ტყეები, ტყის მრავალფეროვნების მთავარი ფაქტორები და ასპექტები, ბუნებრივი რესურსების მდგომარეობა და დაცვა, ხე–ტყის გაუმართლებელი ჭრა და ადამიანის როლი ტყის მასივების აღდგენაში.

პროექტის მიზანი:


 მივაწოდოთ და გავაცნოთ ინფორმაცია საზოგადოებას საქართველოს ტყეების მდგომარეობის, მრავალფეროვნებისა და რაციონალური თუ არარაციონალური გამოყენების შესახებ. დავასახელოთ წამოჭრილი პრობლემა და დავსახოთ მისი გადაჭრის გზები..

               მიუხედავად შედარებით მცირე ფართობისა (69 700 კმ2), საქართველოს ტყის
მცენარეულობა (ტყეები) დიდი მრავალფეროვნებით ხასიათდება, რომლის
ანალოგი ძნელად თუ მოიძებნება ჩვენი პლანეტის ზომიერ ნაწილში. ეს
განპირობებულია სხვადასხვა ფაქტორებით, რომელთაგან უფრო მნიშვნელოვანი
შემდეგი ორია.

     1)  საქართველოს გეოგრაფიული მდებარეობა
                          2) ბუნებრივ-კლიმატური პირობების მრავალფეროვნება

                                      

                           

         საქართველოს ტყეების საერთო ფართობი 2 690 000 ჰექტარია, რაც მთელი ტერიტორიის დაახლოებით 38%-ს შეადგენს. ამასთანავე, საქართველოს ტერიტორიაზე ტყეების განლაგების საერთო სურათი რთული და კონტრასტულია. ტყეების 90%-ზე მეტი განლაგებულია მთების (დიდი და მცირე  კავკასიონი) კალთებზე. მათი მნიშვნელოვანი ნაწილი (45%) კი - დიდი დაქანების (30 გრადუსზე მეტი) ფერდობებზე. ამის გამო ამ ტყეების სამეურნეო გამოყენება ძლიერ შეზღუდულია ან პრაქტიკულად გამორიცხული (ამ ტყეების მთავარი დანიშნულება ეკოლოგიური ხასიათისაა).